ÜBER MICH

Grias Enk liabe Leit!

I deaf mi dia vorstellen, i bin di Babsi Panzl und hob mi 2019 dafia entschidn das i mia mein  Traum von an eigenen Gschäft´l verwirklichn mecht. I wohn in Schlatn do wo a mei Gschäft´l sein Wohnsitz hod, bin mit mein Monn Christian verheiratet und Mutta von zwoa zuckasiasn Mädls nomens Sarah und Sarina. In meina Freizeit bin i gean in die Berg unterwegs oda geh mid unsara Hündin Maya a Runde duach die traumhofte Natua spazian und loss oanfoch a amol so richtig di Seele baumeln :-)

I deaf inzwischen auf a üba 25-jährige Erfahrung ols Friseurin zrugblickn. Ongfong hob i wia so fui ondare als kloans Lehrmadl und aufigeorbeitet hob i mi bis zua Studioleitung in an groaßn privatn Familienunternehmen. Nebenbei wor i do an no als Betriebsrätin im Einsotz weil ma di Onliegen von olle Mitarbeiter- und Mitarbeiterinnen wichtig woan und i mi in der Funktion fia se am bestn einsetzn hon kennen.

SISA Friseur hoaßt mei Gschäftl und i tat mi iwa enkan Onruf fia an Termin morts gfrein :-)

Enka Babsi